1. هذا الموقع يستخدم ملفات تعريف الارتباط (الكوكيز ). من خلال الاستمرار في استخدام هذا الموقع، فإنك توافق على استخدامنا لملفات تعريف الارتباط. تعرف على المزيد.

هنا مجتمع نســائي فــاخر، واحة المرأة الجزائرية والعربية، وعالم نسائي متجدد ومتميز ينتظركِ. سجلي الآن وكوني معنا

حصري نصائح لنجاح حلوة صابلي

الموضوع في 'قسم الحلويات' بواسطة راضية, بتاريخ ‏25 يونيو 2016.

  1. راضية
    2

    راضية
    Expand Collapse
    إدارة جلسات جزائرية

    الإنضمام:
    ‏3 فبراير 2015
    المشاركات:
    6,130
    نقاط الجائزة:
    7,205
    الإقامة:
    Alger
    السُّمعة:
    +7,871 / -0
    السن:
    35 إلى 40 سنة
    مساء الانوار حبيباتي الجليسات باه تنجحلكم حلوة صابلي ما عليكم الا اتباع نصائحي:107:
    الحاجة اللي تخلي الصابلي هشيش هي أولا لازم تحترمي المقادير تاعو باسكو عجينة السابلي عندها مقادير مضبوطة حيث أنه دايما كمية المرغرين تكون نصف كمية الفرينة و كمية السكر هي نص كمية المرغرين يعني اذا درتي باكي مرغرين تاع 250 غ يعني تستعملي 500 غ فرينة و 125 غ سكر هاذي مقادير ستوندار ممكن تزيد و لا تنقصي شوية الفرينة علي حساب واش تاكلك لابات بصح هذا هو المبدا تاع السابلي
    ثاني حاجة هي البيض...في القاطو صفار البيض يهشش لعجينة و البياض ييبسها... هاذي معلومة لازم تحفضيها... علي هذا و اذا حبيتي يجيك هشيش بزاف استعملي صفار البيض باش اطمي لعجينة احسن ما تستعملي بيضة كومبلي يعني.. 250 غ مرغرين لازملها 2 حبات بيض... أنت في عوض أديري 2 حبات كومبلي... ديري 2 صفار و حبة كومبلي...
    السر الثالث هو في المايزينة.... تقدري أطمي العجينة بالفرينة وحدها و تجي مليحة بصح كي تزيديلها شوية مايزينة تحي هشيشة بزاف... يعني اذا حبيتي الصابلي تاعك يجي يقرمش شوية ديري الفرينة وحدها و اذا حبيتيها تجي مرملة كيما الغريبية زيديلها مايزينة...هاذي مسالة ذوق انا مرات نديرو بالفرينة وحدها و مرات نزيدلها مايزينة يعني القوام أللي يتبدل برك
    رابع سر هو ...كي تلمي العجينة ما تعجنيهاش لميها برك.و لازم تخليها طرية ...هذا ثاني مبدا في القاطو... عجينة تلميها طرية مي تطيب تجيك طرية و اذا لميتيها يابسة سي نرمال في الفور تيبس أكثر ...علي هاذي قلتلك في السابلي ديما كيلي الفرينة تكون دوبل كمية ليدام سيريها مليح و حطيها قدامك باش ما تفوتيش هاذ الكمية .
    ثاني كي تحلي العجينة تاعك من الاحسن تحليها فوق ساشي باش ما أديريش الفرينة باسكو كيما قلتلك كمية ليدام في السابلي محسوبة لوكان تحليها بفرينة بزاف قادرة تنشفي لعجينة و تجيك يابسة و كي تلميها حطيها في الفريجيدار مدة بسيطة حوالي 15 د باش تشد روحها و تجيك ساهلة في الحلان باسكو فيها ليدام بزاف لو مان تحليها تم تم تتقطعلك.
    بالنسبة للتحضير...كاين طريقتين....
    كاين أللي يخلط المرغرين مقطعة مكعبات مع الفرينة و يبسسهم بيدو و لا بالروبو حتي تدخل المرغرين في الفرينة و تتحصلي علي خليط يشبه للرمل و نزيدولو السكر قلاص نخلطو مليح ثم نلموها بالبيض اما بيض كامل او نستعملو صفار بيض مع بيضة كاملة... هاذ الطريقة أستعملتها دليلة تونسي تاع قناة سميرة و أنا شخصيا جربتها... و نقولكم بلي القاطو يجي مبسس بزاف بصح الذوق تاعو ماشي حاجة ...
    الطريقة ثانية و هي الأفضل بالتجربة .... تبداي بالمرغرين تكون طرية ماشي ذايبة تخلطيها مع السكر قلاص بالباتور حتي تولي كريمة من بعد تزيديلهم البيض و تخلطيهم مليح باش يجيك القاطو بنين في الآخر تلميها بفرينة و مايزينية و تخلي العجينة طرية تغلفيها و تخليها ترتاح شوية في الثلاجة هنا القاطو يجيك بنين أحسن لان السكر تاعنا دخلناه في البيض و السكر مليح...
    بالنسبة لليدام في السابلي نستعملو مرغرين وحدو يكفي و يجيك القاطو يهبل و طبعا أللي تقدر أدير الزبدة في عوض المرغرين ولا تخلطها مع المرغرين يجيك.القاطو شهيي باسكو الزبدة بنينة و ريحتها زاكية علابيها سومتها غالية
    و كاين ناس ضافو مكون جديد ألا و هو الزيت يعني يديرو كمية تاع مرغرين كاملة و يزيدو شوية زيت زيادة قيس فنجان صغير ...أنا نقولكم بلي مرغرين وحدو يعطيك سابلي هاايل مي ممكن أتبعي هاذ الناس و أضيفي شوية زيت ...ما يخفالكمش بلي الزيت يهشش الحاجة هاذي حاجة معروفة يعني زيادة الهشاشة ...هشاشتين
    بالنسبة للخميرة من الاحسن أديري كمية قليلة قرصة برك باش القاطو يحافظ علي الشكل تاعو باش كي تلصقيهم تجي كل حبة قد ختها و تقدري ما أديريش الخميرة واشنو اذا ما درتيش الخميرة ديري في بالك بلي الحبة تاع القاطو ما راحش تتنفخ يعني السمك أللي قطعتيه بيها راح يبقي هو هو بعد ما أطيبيها .. يعني اذا فيها خميرة اكيد تحليها رقيقة اكثر باسكو حتتنفخ و اذا ما درتيش الخميرة خشنيها اكثر....
    و طبعا كي أطيبوها ما تحمروهاش لازم تقعد بيضة باش تجي شابة
    هاذي معلومات عن حلوة السابلي
     
    جاري تحميل الصفحة...
    { فضلا .. أختي .. إن أعجبكِ الموضوع شاركيه مع صديقاتكِ }

    • أعجبني أعجبني x 6
  2. ام شهد
    42

    ام شهد
    Expand Collapse
    سيدة أنيقة
    عضوية ألماسية

    الإنضمام:
    ‏19 يونيو 2015
    المشاركات:
    3,549
    نقاط الجائزة:
    7,190
    الإقامة:
    المسيلة
    السُّمعة:
    +3,535 / -0
    السن:
    35 إلى 40 سنة
    شكرا على النصائح المفيدة
     
  3. nabila biba
    13

    nabila biba
    Expand Collapse
    مشرفة فضاء واستراحة حواء
    مشرفات جلسات

    الإنضمام:
    ‏4 ابريل 2016
    المشاركات:
    3,026
    نقاط الجائزة:
    7,200
    الإقامة:
    في جلســـــات
    السُّمعة:
    +6,620 / -0
    السن:
    40 إلى 45 سنة
    يعطيك الصحة راضية على النصائح القيمة وأنا شخصيا إستفدت منها، شكرا لك وجزاك الله خيرا.
     
  4. اريج البحر

    اريج البحر
    Expand Collapse
    عضوات جلسات

    الإنضمام:
    ‏23 يونيو 2016
    المشاركات:
    134
    نقاط الجائزة:
    200
    الإقامة:
    ALGER
    السُّمعة:
    +128 / -0
    السن:
    25 إلى 30 سنة
    نصيحتك نشاالله تفيدنا
     
    • أعجبني أعجبني x 1
  5. بسمة القلوب
    2

    بسمة القلوب
    Expand Collapse
    زوجي حياتي
    عضوية ذهبية

    الإنضمام:
    ‏5 فبراير 2016
    المشاركات:
    1,064
    نقاط الجائزة:
    3,700
    الإقامة:
    Tlemcen
    السُّمعة:
    +2,060 / -0
    السن:
    25 إلى 30 سنة
    شكرا لك
     
    • أعجبني أعجبني x 1
  6. ari31
    14

    ari31
    Expand Collapse
    oum mohamed
    عضوية ذهبية

    الإنضمام:
    ‏29 مارس 2016
    المشاركات:
    1,336
    نقاط الجائزة:
    3,690
    الإقامة:
    oran algerie
    السُّمعة:
    +1,705 / -0
    السن:
    30 إلى 35 سنة
    يعطيك الصحة راضية على النصائح القيمة وأنا شخصيا هكدا ندير الصابلي
     
    • أعجبني أعجبني x 1